Këngëtarja shqiptare Aurela Gace ka lindur në Llakatund, Vlorë më 16 tetor 1974. Ajo ka filluar të këndojë në Festivalin e Fëmijëve në qytetin e Vlorës, që në moshën 4 vjeç e gjysmë. Aty ka spikatur talenti i saj, që do të shpalosej më tej gjatë gjithë fëmijërisë në ngjarje muzikore, ku edhe ka fituar mjaft çmime. Për Aurelën shkolla ka qenë vendi i marrjes së dijes, por ajo shumicën e kohës e kalonte duke kënduar. Si natyrë mund të cilësohet rebele.

Mendja e saj ishte e fokusuar vetëm te kënga. Ajo ishte e destinuar të bëhej një këngëtare. Në moshën 19 vjeçare mori pjesë në festivalin më të madh muzikor në Televizionin kombëtar në Tiranë, ku edhe pati një performancë shumë të mirë me këngën “Pegaso”.  Katër muaj më vonë, ajo konkurroi dhe fitoi në “Festivalin e Pranverës 94”. Suksesi i vërtetë i Aurelës filloi me këngën “Nata” në “Festivalin RTSH ‘95”. Më tej ajo fitoi 2 çmime të para në “Festivalin e vitit 99” me këngën “S’jam tribu” dhe në “Festivalin e vitit 2001” me këngën “Ndjej”. Ndërkaq një sukses të madh ajo fitoi me këngën “Fati ynë shpresë e marrëzi”, ku edhe zuri vendin e dytë në Festivalin e ’98.

Aurela ka fituar dhe çmime të treta në Festivalin ‘96, me këngën “Me jetën dashuruar”, dhe në Fest ‘98 me “E pafajshme jam”. Aurela ka zotëruar dhe aftësi aktrimi që kur ishte fëmijë dhe kjo i ka dhënë mundësinë e fitimit të 3 çmimeve speciale bazuar në interpretimet e këngëve të saj në festivale si dhe një çmim special nga Top Albania Radio. Për të promovuar më tej albumet e saj ajo ka dhënë dy koncerte solo live. Këto koncerte u mbajtën në Pallatin e Kongreseve në Tiranë në vitet 1998 dhe 2000. Aurela për të promovuar më tej albumet e saj, luajti në 2 koncerte solo live, që u zhvilluan në “Pallatin e Kongreseve” në Tiranë, në vitin 1998 dhe 2000. Në vitin 2000 Aurela provoi se “Akademia e Arteve” ishte zgjedhja e duhur për të dhe u diplomua atë vit në Dramë. Ajo nxori në treg 2 albume në vitin 1998 dhe 2 të tjerë në vitin 2000. Stili i Aurelës varion nga pop në folk. Në shkurt 2002 Aurela vendosi të sfidonte vetveten dhe u zhvendos në Amerikë. Për të ky ishte një fillim i ri. Ajo menjëherë fitoi popullaritet në komunitetin shqiptar për shkak të zërit të saj të mrekullueshëm dhe performancave elektrizuese, duke filluar që nga klubet, koncertet në gjithë Amerikën e deri në eventet private. Në vitin 2004, këndoi himnet kombëtare të Shqipërisë dhe Amerikës në një event me pjesëmarrjen e Presidentit Bill Klinton. Në mars 2007, fotografi i mirënjohur Fadil Berisha organizoi një koncert  special për nder të këngëtareve shqiptare Vaçe Zela e Nexhmie Pagarusha. Të gjitha të ardhurat shkuan për bamirësi.

Pas 5 vitesh, Aurela rikthehet si e ftuar speciale në festivalin ku ajo filloi karrierën e saj. Një vit më vonë ajo u kthye vetëm për të fituar çmimin e parë në konkursin e njohur “Kënga Magjike” me këngën të titulluar “Hape Veten”, e cila doli të ishte një hit i madh. Ajo lëshoi albumin e saj të gjashtë me titull “Mu Thanë Sytë”.
Edhe pse ishte duke kaluar shumicën e kohës në New York distanca e gjatë nuk e ndaloi atë nga puna në projekte të reja. Në vitin 2010 ajo lëshoi një këngë të re të titulluar “ORIGINALE”, e cila u bë hiti më i mirë i vitit dhe më pas këngën më të mirë në “BALLKAN MUSIC AWARDS” që ka pesë dhe gjysmë milion shikime në kanalin YouTube.

2010 gjithashtu e bëri atë fituesen e Festivalit Kombëtar 49 me këngën e titulluar “Kënga Ime” (Feel The Passion). Kjo i dha asaj mundësinë për të përfaqësuar Shqipërinë në Eurovizion 2011 në “Fortuna Düsseldorf Arena” në Düsseldorf të Gjermanisë më datë 10 maj në natën gjysmëfinale.

Aurela beson, Perëndia i dha një dhuratë të çmuar, talentin për të kënduar. Ajo shpreson të preki shpirtrat e tjerë duke ndarë dhuratën e saj.aa

Çmimet dhe Repertori i Këngëve

  • 2017 “Fustani”
  • 2015 “Akoma jo”, çmimi i parë, “Kënga Magjike 2015”
  • 2014 “Pa kontroll”, Young Zerka, çmimi i parë, “Kënga Magjike 2014”
  • 2011 “Cash”, MC Kresha; Hit
  • 2010 “Origjinale”, Dr.Flori & Marsel; Hit
  • 2010 Fituese e “Fest’ 49” RTVSH, Vendi i parë si interpretuesja më e mirë me këngën  “Kënga Ime”
  • 2008 “Jehonë“, West Side Family
  • 2008 “Bosh”

2007  Fituese e “Kënga Magjike 2007”,Çmimi i parë si interpretuesja më e mirë me këngën “Hape Veten ti”

2001  Fituesja e “Fest’ 40” RTVSH Çmimi i parë si interpretuesja më e mirë me këngën “Jetoj”

2000 Fituesja e vendit të dytë tek konkursi “Maratona e muzikës popullore” në Klan TV

2000 “Cimica”

1999 Fituesja e “Festivalit 38” RTVSH Vendi i parë dhe çmimi special si “Interpretuesja më e mirë”  e dhënë nga  Top Albania Radio me këngën “S’jam Tribu” 

1998 “Fest’ 37” RTVSH, Çmimi i tretë kënga “E pafajshme jam” 

1998 “Euro Fest” Shkup, Maqedoni, Fituesja e çmimit të dytë dhe interpretuesja më e mirë 

  • 1997 Pranvera e vonuar, duet me Aleksandër Gjoka

1997 “Fest’ 36” RTVSH, Çmimi i dytë me këngën “Fati ynë shpresë dhe marrëzi”

1996 “Fest’ 35” RTVSH, Çmimi i tretë interpretimi më i mirë me këngën “Me jetën dashuruar”

  • 1995 Nata (Fest ’95)

1994 Fituesja e “Festivalit të pranverës” çmimi i parë RTVSH “Nuk Mjafton”

1993 – “Pegaso” Fest’93

Albume

2012 “Paraprakisht”

2008 “Mu Thanë Sytë”

2001 “Tundu bejke”

2001 “Superxhiro”

1998 “Oh nënë”

Burimi:http://aurelagace.com / ALVA – Manjola Perja

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu