Në eventin e organizuar me rastin e “Vitit të Skënderbeut”, “Teatri Shqiptar në Amerikë” LNPSHA “PEGASI” në bashkëpunim me Muzeun Historik Kombëtar organizuan prezantimin analitik të poemës dramatike “Gjergj Kastriot Skënderbeu” i regjisorit, aktorit, dramaturgut dhe poetit Xhevat Limani.
Këtë vepër dramaturgjike-poetike, në kuadër të “Vitit të Skënderbeut”, Xhevati e ka shfaqur anembanë skenave të Evropës, Amerikës dhe në ato të Shqipërisë, Kosovës e Maqedonisë.
Gjatë eventit u krijuan emocione pa fund, gjithashtu u ndanë edhe disa vlerësime ndaj aktorit, regjisorit Xhevat Limani si:
“Princi Aktrimit Shqiptar” nga “Mjeshtri Madh” Prof. Minella Kureta e Liljana Cingi “Mbretëresha e valles shqiptare”, “AKTORI VITIT 2018” nga LNPSHA “PEGASI” me president Kristaq F. Shabani etj.
Pjesë e programit ishte edhe promovimi i librit “Pemnaja e artit të bleruar” e autorit Kristaq F. Shabani, një përmbledhje e gjuhës shpirtit kreativ, emfaze retoriko-estetike bashkëkohore për veprat e Xhevat Limanit.
Mirënjohje ndaj mjeshtrit të mirënjohur gazetarit Dëfrim Methasani për ftesën e tij drejtuar artistit Limani, Në event gjithashtu mjeshtri Methasani u shpreh se: “kur dëgjova interpretimin e Skënderbeut në Kanada, thashë “Skënderbeu u ngjall pas 550 viteve”, fjalë të cilat çdo person e pohon kur dëgjon artistin e nderuar Limani, sepse interpretimi dhe fjalët e tij kumbuese të përcjellin tashmë atë mesazh që për shumë vite ka fjetur.
Gjatë eventit u ndanë nje sërë vlerësimesh dhe mirënjohjesh të tjera nga LNPSHA “PEGASI” me president Kristaq F. Shabani.
