“ANGLIA KURRË MË NUK MUND TË MIRËPRITET NË GJIRIN E NJË KUNDËRSHTARI SIÇ ËSHTË PRITUR NGA POPULLI I KOSOVËS NË PRISHTINË” – The Guardian
Kjo është një fjali që më mori vëmendjen nga shkrimet e të gjitha gazetave sot në Angli. Duket sikur kjo mikëpritje e shqiptarëve të Kosovës dje i ka befasuar shumë anglez. Kjo sepse nuk janë mësuar të ‘duhen’ aq shumë, pa kushte, nga popujt e tjerë në botë, veçanërisht jo nga evropianët.
Por, ne kemi një arsye të fortë se përse u jemi kaq mirënjohës popullit të Britanisë së Madhe. Ndoshta fotoja më poshtë e thotë këtë shumë më qartë se fjalët e mia.
Kam jetuar dhe punuar një kohë në Londër. E di mjaftë mirë çfarë do të thotë të jesh kosovar e të jetosh në Angli. Cdo frazë e imja për Anglinë dhe popullin anglez do tingëllonte aspak racionale. Kjo sepse emocionalisht dhe intelektualisht jam i lidhur me kulturën dhe mendjen e tyre.
Ajo që dua të theksoj me zë të lartë është kjo: pa mbështetjen e liderëve politik (Tony Blair) dhe popullit britanik, ne sot do ishim më keq se Kurdët. Ata që e kanë lexu librin e Blair, e dinë mirë përkushtimin e tij për të çliruar Kosovën. Besoj që secili mund të ketë dëgjuar për debatin e tij me presidentin Klinton rreth nevojës së intervenimit ushtarak, qoftë edhe përmes forcave tokësore, për të bërë lirinë e Kosovës realitet.
Shkurt, edhe 1 mijë vite s’do mjaftonin për të shprehur mirënjohjen tonë për popullin e Britanisë në përgjithësi dhe popullin anglez në veçanti.
PO, “FALEMINDERIT ANGLI, ZOTI TË BEKOFTË TY ANGLI” shkruan profesor Fadil Sahiti në faqen e tij Facebook.
