Në rrugën “Frosina Plaku”, pranë shkollës “Naim Frashëri” ajo që të tërheq vëmendjen është oborri i një ndërtese dy katëshe, i cili bie në sy për larminë e trëndafilave. Përkujdesja e treguar ndaj këtij “kopshti magjik” si dhe stina e pranverës kanë nxjerrur edhe më shumë në pah atë traditë aq të dëshiruar të bukur qytetarie të Tiranës.
Përkujdesja detajuese nisur që nga “oborri i trëndafilave”, dhe në çdo detaj të tij, nga bari, pemët e ndryshme etj. shpreh ndjenjën e së bukurës nëpërmjet kultivimit të luleve.
Kjo përshtypje thellohet edhe më shumë nga fakti kur kupton se i përket një institucioni shtetëror. Përgëzime për përkujdesjen e treguar ndaj “oborrit të trëndafilave”, ku çdokush që e sheh mahnitet. Një institucion shtetëror në hijeshinë e trëndafilave, shembull për tu ndjekur nga të gjithë.
