Opera e artistit të njohur italian Antonio Vivaldit “Skënderbeu” është kompozuar në vitin 1700, ajo është një nga veprat e rralla që kompozitorët e njohur botërorë i kanë kushtuar heroit kombëtar të Shqipërisë, Gjergj Kastriotit. Premierën e saj të parë e pati në teatrin e “La Pergolas” së Firences në vitin 1718. Në mesin e një krijimtarie të pasur me mbi 600 koncerte dhe opera, italiani i famshëm Vivaldi i kushtoi një vepër unike të stilit kalorsiak pikërisht heroit kombëtar të shtetit fqinj, Gjergj Kastriotit Skënderbej.
Teatri i Operas dhe i Baletit i Shqipërisë ka vënë në skenë operan e artistit të njohur italian Antonio Vivaldit “Skënderbeu” për herë të parë operae e njohur italiane në vitin 2012. Drejtuesi i Teatrit Kombëtar të Operas dhe Baletit i asaj kohe maestro Zhani Ciko, ka marrë përsipër ta dirigjojë vetë këtë vepër, e cila, thotë ai, i bën nder Skënderbeut dhe gjithë shqiptarëve.
Ngjarjet zhvillohen në muret e Krujës, ndërsa qyteti është i rrethuar nga trupat turke që drejtohen nga sulltan Murati. Ushtarët otomanë kapin rob Donikën, ndërsa Skënderbeu i shqetësuar rrëmben vajzën e sulltan Muratit duke menduar që konflikti të zgjidhej me këmbimin e dy robëreshave. Në fund Skënderbeu e çliron vetë Donikën e tij me trimëri dhe artistët mendojnë se ka Vivaldi ka dhënë me këtë opera triumfin e dashurisë dhe burrërisë shqiptare.
Zoti Ciko thotë se “krahas vënies në skenë, vepra kaloi një proces të gjatë dhe të kujdesshëm restaurimi. Kjo premierë është dhurata më e madhe që Teatri i Operas i bën popullit shqiptar në 100 vjetorin e pavarësisë së shtetit shqiptar” – theksoi ai.
Biografët e Vivaldit tregojnë se ishte një shqiptar që shpëtoi veprat e tij. Një njeri i arteve prej një familjeje fisnike nga Durrësi, Xhakomo Duraco, shpëtoi nga zhdukja e plotë veprat e Vivaldit, pa e ditur se midis tyre ishte edhe opera e tij për Skënderbeun. Duraco mblodhi me durim, bleu pa kursim gjithçka, sistemoi çdo fletë të krijimtarisë së Vivaldit nëpër Europë dhe i dorëzoi në bibliotekën e Torinos të gjitha veprat e Vivaldit, të zhdukura dhe të shpërndara pas vdekjes misterioze të tij në Vjenë. Vite më vonë midis këtyre veprave u zbulua edhe opera “Skënderbeu” e artisit të madh, që, pas 300 vjetësh nga kompozimi, pati premierën e parë shqiptare në Tiranë.
Burimi: https://www.zeriamerikes.com/ Përshtati për ALVA – V. D.
